Дарынды және талантты балаларды Халықаралық Мектептер Кеңесінде аккредиттелген мектептерде үш тілде NIS-Programme білім беру бағдарламасы бойынша оқыту. Мұғалім-практик, білім беру саласындағы сарапшы және басшы ретінде біліктілігін арттыру, оның ішінде Назарбаев Университетінің магистратурасында қызметін тоқтатпай оқыту.
Орталықтардағы жұмыс
Зияткерлік мектепте педагог болып қызметке тұру үшін конкурстық іріктеуден өту керек. Толық ақпарат «Педагогтердің конкурстық іріктеуі» бөлімінде.
«Бос орындар» бөлімінің төменгі жағында түйіндемені электрондық поштаға жіберуге болады.
Зияткерлік мектептерде мансаптық өсу үш бағытта жүзеге асырылады:
• горзонталды – педагогикалық шеберліктің 6 (алты) деңгейі бойынша оқыту тәжірибесін дамыту: тәлімгер → мұғалім → модератор → сарапшы → зерттеуші → шебер;
• вертикалды – басқару дағдыларын дамыту: әдістемелік бірлестік жетекшісі → директордың орынбасары → директор және т.б.;
• диагоналды – ғылыми-әдістемелік дағдыларды дамыту: білім беру бағдарламасы, бағалау бойынша әзірлеуші → модератор → сарапшы;
Педагогтердің конкурстық іріктеуіне конкурсқа өтінімді уақтылы толтырған, жоғары арнаулы педагогикалық, тиісті бағыт бойынша кәсіптік немесе техникалық білімі бар тұлғалар және жоғары оқу орындарының соңғы курс студентері мен магистранттары қатыса алады.
Конкурстық іріктеу келесі лауазымдарға жүргізіледі: педагог-психолог, педагог-ұйымдастырушы-куратор, қосымша білім беру педагогі, жатақхана тәрбиешісі, жатақхана тәрбиешісінің көмекшісі, педагог-кітапханашы, хореограф, музыкалық-көркемдік жетекші.
Иә, сіз басқа қалада орналасқан мектепке өтінім тапсыра аласыз және Сіз орналасқан қалада конкурстық іріктеудің бірінші кезеңінен (компьютерлік тестілеуден) өте аласыз. Конкурстық іріктеудің екінші кезеңін (сұхбат) қызметке орналасатын мектепте өту керек.
Мұғалім лауазымына үміткер үшін тестілеу бейіндік пәндер бойынша, басқа лауазымдар үшін үміткердің таңдауы бойынша дипломына сәйкес бейіндік пән бойынша немесе «білім беру психологиясы» пәні бойынша жүргізіледі.
Біліктілік талаптарына сәйкес келетін тұлғалар (педагогикалық жұмыс тәжірибесі, кәсіби жетістіктері, білім деңгейі, ғылыми-зерттеу және тілдік құзыреттіліктері) сырттай сараптамалық қорытындыға сәйкес ДББҰ Басқармасының шешімімен «мұғалім-модератор» және одан жоғары педагогикалық шеберлік деңгейге конкурстан тыс негізде қабылдануы мүмкін. Бір жылдан кейін аттестацияда растайды.
- конкурстық іріктеу нәтижелері бойынша педагогикалық өтілі 2 (екі) жылға толмаған үміткер мұғалім-тәлімгер деңгейіне қабылданады;
- педагогикалық өтілі 2 (екі) жыл және жоғары үміткер мұғалім деңгейіне қабылданады. - педагогикалық өтілі 2 (екі) жылға толмаған үміткер келесі критерийлердің біріне сәйкес келген жағдайда мұғалім деңгейіне қабылданады:
1) IELTS 5.0 сертификаты бар магистратура түлегі (ағылшын тілі пәні бойынша IELTS 6.0);
2) Назарбаев Университетінің немесе «Болашақ» бағдарламасының бакалавриат немесе магистратурасының түлегі;
3) Профиль бойынша халықаралық олимпиадалар мен жарыстардың жеңімпазы немесе жүлдегері болып табылатын бакалавр немесе магистратураның түлегі.
Иә, мемлекеттік білім гранты бойынша білім алған магистратура түлегі Зияткерлік мектепте мемлекеттік жалпы білім беретін мектептермен тең дәрежеде жұмыс істей алады.
Иә, Зияткерлік мектептер қызметкерлерінің Назарбаев Университетінің магистратурасында жұмыстан қол үзбей оқуға бірегей мүмкіндігі бар.
Корпоративтік жаңалықтармен танысу үшін порталдың жоғарғы оң жақ бұрышындағы «Кіру» түймесін басу арқылы қызметкердің корпоративтік аккаунтына кіру керек.
